.myndbandið.

...er hér, bráðfyndið alveg hreint og gerist eftir 3,11 fyrir þá sem nenna ekki að horfa á allt lagið.

Amiina og Sigur Rós eignast afkvæmi

.hundrað bestu?.

Mér finnst þessi Skífu-söfn alltaf frekar sorgleg fyrirbæri og afskaplega lömuð aukaafurð Ædol-menningarinnar... en ætli við megum ekki þakka fyrir að þarna eru a.m.k. upprunalegir flytjendur á ferð en ekki uppáhöldin hans Stormskers, eftiraparnir!

Svo er spurning hvort geislaplatan brjóti ekki í bága við samkeppnislög sem meina notkun á efsta stigi lýsingarorða nema að hægt sé að færa sönnur á það.  Eru allir sammála um að þarna sé að finna 100 bestu lög Íslandssögunnar?!  Þegar ég lít yfir lagalistann þá sýnist mér nú meirihlutinn skiptast í tvo hópa, viðbjóð og klassík.  Bestu?  Eigi veit það svo ofboðslega gjörla en í fljótu bragði finnst mér þó a.m.k. vanta lag Ensími Atari... og hvar er Leoncie?  Rasistar!

Björk og Sigur Rós ekki á topp 100

.athyglisvert.

Það verður athyglisvert að sjá hvort þessir Spice Girls pönksins geti eitthvað annað en bara spilað gömlu lögin og rifið kjaft.  Eftir að hljómst Lydon P.I.L. var sparkað af plötufyrirtækinu þá hefur greyið, mér vitandi, ekki gert neitt nema græða á fornri frægð sem er gjarnan auglýst með því að drulla yfir mann og annan.  Frekar sorglegt, betur má ef duga skal.

31 árs bið á enda?

.bubbi ben.

Þarna snúa bökum saman einn af mínum uppáhaldstónlistarmönnum og sá er ég hef hvað mesta andstyggð á, gæti verið athyglisvert að sjá hvurslax kássa kemur úr því þó ég efist stórlega um að ég muni létta á pyngju minni fyrir forvitni sakir.

Bubbi Morthens í farsímann

.???.

Vantar alveg í fréttina hvaða lag um ræðir...

Fékk engan Benz

.æjæjæj.

Eins og Jet Black Joe var nú fín hljómst á sínum tíma þá held ég að þessi útgáfa hljómsveitarinnar sé algjörlega á villigötum.  Sá þá flytja lag ásamt gospelkór þessum í Kastljósinu um daginn og það var í einu orði sagt hræðilegt!  Mikið held ég að það hafi nú verið kórrétt ákvörðun fyrrum meðlima Jet Black Joe, annarra en Páls og Gunnars Bjarna þ.e., að halda sig frá þessum vangefna bastarði upprunalegu sveitarinnar sem gerir ekkert annað en að saurga minningu góðra lagasmíða og hressrar hljómsveitar.

Jet Black Joe í Höllinni

.skítt með evróvísjón.

Hver ætlar að segja MC að brandarinn hans Barða sé búinn?!

Skilja ekki Júróvisjón