.fussss.

Sú hreyfimynd hlýtur að vera tóm leiðindi og enn ein fyrirsjáanleg Hollywood-klisjan því ég man vart svo langt aftur hvunær þessir kumpánar léku í almennilegri mynd, sér í lagi Pacino.  Kauðinn atarna leit afar sérkennilega út í 88 Minutes... allur eitthvað litaður, strekktur og gervilegur, karlgreyið.

De Niro og Al Pacino saman í mynd

.vaxmyndir.

Það er líklega bara lýsingunni og förðuninni um að kenna en skötuhjúin líta út eins og vaxfígúrur á þessari mynd!  En auðvitað eyðir svona lið líka fúlgum fjár í alls kyns krem, sprautur, pillur og hvaðeina til að viðhalda vinnutæki sínu, útlitinu, svo það er kannski ekki að furða að fólk líti gervilega út komandi frá þessum gervilega glysheimi.

Jolie og Pitt áhrifamestu stjörnurnar

.so last year.

Mbl. alltaf með puttann á púlsinum!  Næst fáum við væntanlega að lesa það að lagið "Ho ho ho, we say hey hey hey!" sé vinsælasta lagið og að frasar úr Næturvaktinni séu móðins.

Galopin fésbók

.gamalt og gott.

Það væri nú hálflamað ef upprunalegu Draugabanarnir kæmu ekkert fram í nýju myndinni.  Er annars bara feginn að helvítis Hollywood sé ekki að fara að gera enn eina ömurlegu endurgerðina, þá er nú skömminni skárra að halda bara áfram með myndabálka... ég er enn að bíða eftir Police Academy 8!

Draugabanar snúa aftur

.fussss.

Lið verða nú ekki stórveldi þó einhverjir millaplebbar fari að leika sér í Football Manager með alvöru lið. Það er nú lágmark að menn vinni einhverja titla fyrst og komi sér upp titlasögu... mörgum finnst ekki einu sinni Chelsea geta flokkast sem stórveldi!    

En annars þá held ég að það sé klárlega kominn tími á launaþak eða annað slíkt í boltanum sem heftir svona fíflaskap og jafnar aðeins samkeppnina.  Það er nefnilega mun skemmtilegra að sjá hæfileika blómstra frekar en að einhverjir lúðar í pissukeppni geti keypt sér titla.  Nema auðvitað að einhver millinn taki ÍR undir sinn verndarvæng! 

Al-Fahim ætlar sér stóra hluti hjá City

.gómaður hraðfara?.

Hef svo sem ekki skít um greinina að segja, fannst bara orðalagið á fyrirsögninni alveg sérlega furðulegt en það er kannski bara ég... kannski er málvitundin og fattarinn bara ekki nógu "hraðfara"!

Schumacher gómaður hraðfara